好FUNNY的一個HK TRIP!

剛剛的5日hk trip,跟Baby(Jennie)玩得超瘋狂.我做完了大概11個鐘頭的工作之後,還可以跟baby和Kam去蘭桂坊玩至凌晨4點半!baby喝了2杯的就已經KO了....已經累到快不行的我還要照顧她 >.< 還好她醉了,大吵大鬧之後就立刻睡到天亮!
為什麼會funny呢?我們醒來後,Kam告訴了我baby上了蘋果日報,那是因為她去了看巴塞隆拿在HK的球賽,球迷的瘋狂程度,可以看下面那張圖為例:

女主角就是baby啦!
最Funny的是這張圖的caption是這樣寫的:"部分情侶球迷打得火熱,即席示範接吻魚技巧,瘋狂程度直逼7人攬球賽"

ARRR~~~ 驚徨的24hrs!!!

剛剛果程香港trip,真係驚心動魄!何解?查實係因為我大懵既問體,竟然擺左我做左既DUTY FREE $$$o係一個我認為係安全但係又唔記得拎返既地方!原本打左最壞既打算,要嘔返d $$$既時侯,莫非係吉人自有天相,去PERTH果程係用返去香港架機,一踏入機艙,就有人大叫"FOUND IT!!!".我都重未回魂,就有人俾返袋$$$我喇!好HAPPY!!!

話說剛剛返香港既時間,咁Q係今年書展開始既時侯,雖然俾d DUTY FREE $$$搞到我冇覺好訓,但係都冇阻礙我去書展既心情,單拖去掃左6本小說,足足行左2個鐘!之後再meet up個朋友仔CANNY去尖咀+旺角shopping!未返工我地都已經行到累死!

書展收穫包括:
深藍的呼喚 - 林詠琛
我終究是愛你的 - 張小嫻
你總有愛我的一天 - 張小嫻
那些年 我們一起追的女孩 - 九把刀
等一個人咖啡 - 九把刀
愛情 兩好三壞 - 九把刀

黑色星期五的後遺症

今日雖然係由Auckland返黎,flight time只有3個鐘,由酒店出發既時侯,雖然我凈係關心商務客位有幾多個o者,但係個CSM就同我地講話成班機只係1/2 Full!,所以都係得15個人o係商務度,本來係勁開心囉!只可惜開開心心買完duty Free之後,見到o係我地班機既counter點解咁多人排隊呢?原來係因為由emirates飛去sydney果班機US(Unserviceanle)左,差唔多佢地成半班機既人都轉晒黎我地架機度,由原本半成FULL既我地變成真真正正既FULL.點解佢地架飛機US左呢?理由係唔知邊個機場人員冇帶眼鏡定係唔知咩原因,"渣"住架車撞左落去左機翼下面3塊擋風翼既其中一塊,我o係機場裡面睇到成塊翼到俾撞到"拗"晒.好唔好彩地,成程機做到趴左o係度,連食飯既時間都冇.可憐丫~~~~ >.<

哈利波特 5~~

尋晚睇左"Harry Potter and the Order of the Phoenix",雖然都冇乜expectation架喇.但係比起之前果4集又真係悶左d wor!打鬥場面又少,storyline又長又悶.不過o係Parramatta個戲院度睇,個座位大兼且好舒服,點郁都得,又唔怕遮到人wor!

剛剛睇完兩套劇集,一套係"學警出更",另外一套係韓劇"魔女幼熙".前者覺得麻麻地,最搞笑既gap位係唔知點解係阿Kenny開槍殺左阿喪強.後者係一套浪漫愛情喜劇,雖然唔係好多親密鏡頭,但係都帶到出o個種浪漫既感覺!同台劇有得揮.不過我始終都係buy d台灣偶像劇!!!

呢個麵包~~~~ 正!

13--黑色星期五

差唔多成個月冇update到呢度,一update又會揀正o係黑色星期五呢日.你都咪話唔信邪,原本我都唔發覺呢個月會有呢一日既黎臨,但係我又前兩日開始就發惡夢囉.第一個夢,唔知點解會夢見呢個完全冇乜可能同埋冇乜關係既人囉!諗起都嘔白泡!!!!到左第二日第二個夢,重死!夢到d會令到我扯火既人同埋事,最衰既重要係打孖黎咁俾我見完又見,成個夢足足整到我連淨低o個4個鐘到冇覺好訓=.=!搞到我今日勁冇精神返工!

剛剛去完香港,係我大病一場之後既16小時香港遊.o係7-11度煩惱緊買咩飲既時侯,見到保礦力既廣告,諗都唔諗,買左!唔知點解,愛上左飲佢wor!或者係因為甜甜地,同埋冇汽既原因o卦!!?

下次去香港都已經plan左去做乜,咁Q可以去到書展2007!唔知我又可以掃到幾本書呢??

香港遊24小時~!

今次雖然有24個鐘係香港,但係都係覺得唔係好夠時間做我想做既野>.<,不過都有滿足到某幾樣野既! 例如食o個方面喇! 香港既10蚊就可以食到4樣我都好愛既野食-->缽仔糕+豆沙餅+白糖糕+花生糯米慈! 再外加食個香港風味既下午茶,飽晒啦~~~!
就算行街行到累,拎野拎到累,食晒之前咁多野,體力實返晒黎!!!!到左係時侯差唔多要返酒店準備返工既時侯,路過一間糖水鋪,最後衝刺再食多個糖水-->楊枝柑露!!! 正丫~!

返到黎之後,同索奇叔+貓貓去左傾d人生大事,到左而家,其他同我一齊training既朋友仔一個又一個都係講緊同一個topic!令到我又多左幾十個巴仙去左另外既意向.我諗如果其他人肯定左佢地既意向,我應該唔會諗得太多就可以決定到.

竟然見到妳wor!!!!

尋日好動地同阿索奇叔去左打2粒鐘既羽毛球,今日起身既時侯就已經感覺到我右半身係唔係好郁到@.@,好似成個人散左咁滯!到左而家手臂同兩隻腳既小腿位都有d酸酸痛 >.<.我實在係太耐冇做運動喇!身體又確實係"saan"左囉! 到左夜晚去Red Box唱K,大半數既人都係唔識既.但係竟然俾我見返一個我幾年冇見既中學friend bor!最開心既係Tina佢都重認得我囉(又或者我冇乜點變卦^^")佢個樣雖然冇乜點變,但係佢係靚左同埋都係咁鬼瘦lor!同佢傾返之前中學時期既其他friend,有d人既近況又真係好令我好驚訝架bor!!! 成晚由10點玩到4點都係冇乜點停過,敘完舊冇耐就開似左同其他人玩既時侯喇!貓貓開心得滯,玩到high左,到左最後"貓"左!"貓"左既佢係可愛到不得了囉!!!

做到腳抽筋@.@

剛剛落機冇耐~好鬼累,差d做死左我!點解去上海或者由上海返黎都咁Q多客仔架~~~~ 諗住做商務倉唔會死得去邊,因為少d人嘛.但係事實並非如此!識左個好cutie既妹妹仔,睇佢個樣一d都唔似細過我咁多囉!同佢好好傾,又咁"橋"佢又o係Star City度做過囉!哈哈...世界真係好鬼細~~~~~ 等我訓醒先再upload d相黎呢度啦~! ******************************************************************************** 今個trip係前所未有地食左好多野,有泰餐啦,日本野啦,最緊要係食左d算係好地度既上海菜.上海菜又真係好鬼辣,乜野都好重味,油份又多!食一餐半餐都可以既~!

今晚好盡興!

嘩~ 今晚個con真係凈係有d聽覺效果囉!成晚凈係得兩首快歌,不過都算係咁架啦!最抵死係阿傅小姐果part,簡直係"毛管棟"!成晚凈係聽到"不要自作多情"囉!側田既performace又會係唔得囉! 之後去左k2盡興,成晚都好好玩,又有得玩,又有野睇wor.最suprising既就係竟然無啦啦見到"林峰,"面珠登""紅噗噗",同左幾個fans影相,但係我同阿索奇叔就遲左dd喇 >.<,之後都係冇乜機會同佢影相,因為佢掛住去disable toilet!(有"食蕉"守住門口架!! @.@)

放緊假~~~ 好休閑!!!

一開始放假就係咁懶!唔係我特別請假,係公司做roster既某某人搞到我呢個月頭做到隻狗咁,到宜家先至有得抖!

呢幾次返香港都係去掃CD,心血來潮買返隻飛輪海黎聽下兼睇下隻DVD.睇下睇下,發覺佢地四個又真係幾惦架bor.要靚仔有靚仔,要cutie有cutie囉!話時話,三分鍾熱度既我又返左去飛飛果度, 尊老大依然係我既至愛!John Hoon都重係有佢既位置既!

呢排勁愛台灣既任何一樣野!無啦啦有個奇想... 不過我知道呢個只不過係我到左某一個階段先有咁既諗法!!? 等緊《終極一家》呢套劇既來臨.好好好好期代!!!!! 要等到台灣既暑假先播 >.<

後日就係側田演唱會加埋阿傅小姐,唔係好期代,或者係近排對d港星冇乜好感o卦!

嘩~~~~ Unbelieveable!

嘩~~~~ o係星期六去香港o果程,由一個黑晒面咁樣返工既我,搖身一變,變到勁興奮.原因好簡單, 好驚奇地見到森美同小儀wor!!!!!俾我發現佢地board上機o果一刻,已經記住左佢地既坐位喇! 佢地冇乜刻意去打扮, 或者係因為佢地覺得應該冇乜人會認得佢地卦!!?雖然森美全程都係o係度訓~~~但係到最尾到有影到合照wor!呵呵呵呵呵呵呵~~~~~~~~全程8個半鐘,都算係有機會去同小儀傾下計.最搞笑係其他同事一知道左,佢地係勁有興趣去睇下佢地係乜水lor!重有係佢地係勁幫我去製做機會lor.哈哈哈哈~~~~我地個CSM重玩埋一份o忝!!!呢個咁既flight,邊有可能唔好玩先丫!

PS.森美個背脊好"實"架!影完相支後我拍左佢背脊一野 ^^"

So sleepy & Tired!

今日覺得特別累, 唔知係唔係呢幾日都係晨晞返工既關係, 成日都覺得眼訓.聽日又係一日要死做爛做既日子--->去香港!!! 做唔死你既話你都可以算係"超~~~~~~人"囉!
好like下面個o個模型, 上次o係潮流特區見到, 勁靚, 好cutie,不過就好似大份左d. 間房已經冇乜地方可以擺得落!??

宜家猛追港劇"溏心風暴", 勁爆愛阿大契講過既一句話: 呢度唔係法庭, 唔需要證據, 我講既就係證據, 我話係就係!

有時候講就易, 要做既話就會好難. 但係我真係希望無論你贏或晤贏, 都唔好再去玩得咁癲喇!

部落格開張啦!

心血來潮又整左個blog, 今次係分享下我每次"飛"既感受&每次o係飛機度遇到既新奇趣怪事等等...
前幾日係香港返黎,今次最大收穫係買左部勁正既mp3 player,開頭想買部ipod,但係去到百老匯之後, 個阿叔sales勁hard sell呢部SAMSUNG野wor, 試過部機,又真係唔係唔掂wor,價錢又好, 諗都唔駛點諗-->買左!!!!!
越睇越靚! 哈哈哈哈哈哈~~~~~~~~~~~~~~~~~~~~~~~~~